| e-texts navigator |
| བོད་ཡིག |
162a1 byang chub sems dpa' the tsom thams cad gcod pa dang / kun 'dri ba la mkhas pa rnams kyi nang na mchog go// de nas tshangs pa khyad par sems byang chub sems dpa' so/
162a2 phrag bcu gnyis po de dag dang lhan cig tu bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor ba byas nas
162a3 bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa dag gis rnam pa mang por mngon par bstod do// rnam par sgra bsgrags srid pa
162a4 gsum du grags/ / bsngags pa'i 'phreng ba 'jig rten kun tu rgyu// bdag gis sems can mchog rnams zhing na mthong // de dag kun kyang khyod kyi yon tan gsungs// 'di ni//
162a5 yongs su dag pa'i zhing mchis te// dri ma ma mchis ngan song gsum spangs pa// de 'dra'i zhing rnams de dag rnams spangs nas// khyod kyi thugs rjes ngan pa yongs su bzung /
162a6 'jig rten mgon khyod ye shes dman ma mchis// ma lus bde bar gshegs dang khyod du mtshungs// shin tu rnam dag bsam pa sngon mdzad pa// 'di 'dra ba yi zhing 'di khyod kyis bzung /
162a7 tshul khrims thams cad rnam dag 'dod spangs nas// gang zhig bskal par gzhan na spyod pa pas// su dag byams pa'i sems kyis shin tu 'dir// skad cig spyod na'ang 'di ni khyad par 'phags/
iiif viewer powered by OpenSeadragon
Texts on this page
S164 - 'phags pa tshangs pa khyad par sems kyis zhus pa zhes bya ba theg pa chen po'i mdo