rKTs

e-texts navigator

Volume

Page

158b₁ yongs su gdung ba med pa zhes bya ba'i 'od zer des ni sems can ngan pa'i ngang tshul can rnams tshul khrims thob par 'gyur ro// phan pa dang ldan pa zhes bya ba'i 'od zer des ni sems can gnod par sems
158b₂ pa rnams bzod pa nges pa thob par 'gyur ro/ / 'bar ba can zhes bya ba'i 'od zer dwa ni/ sems can le lo can rnams brtson 'grus thob par 'gyur ro// rtse gcig pa zhes bya ba'i 'od zer des ni/
158b₃ sems can dran pa nyams pa rnams bsam gtan thob par 'gyur ro// ye shes zhes bya ba'i 'od zer des ni/ sems can 'chal pa'i shes rab can rnams shes rab thob par 'gyur ro// rnyog pa med
158b₄ pa zhes bya ba'i 'od zer des ni/ sems can ma dad pa rnams dad pa thob par 'gyur ro// kun 'dzin pa zhes bya ba'i 'od zer des ni/ sems can thos pa nyung ba rnams thos pa thob par 'gyur ro// spyod pa dang
158b₅ ldan pa zhes bya ba'i 'od zer des ni/ sems can ngo tsha ba dang 'dzem pa med pa'i rnams ngo tsha shes pa dang khrel yod pa thob par 'gyur ro// skyo ba zhes bya ba'i 'od zer des ni sems can 'dod chags spyod pa rnams
158b₆ kyi 'dod chags 'joms par 'gyur ro/ / dga' ba zhes bya ba'i 'od zer des ni sems can zhe sdang spyod pa rnams kyi zhe sdang 'joms par 'gyur ro// snang ba can zhes bya ba'i 'od zer des ni/ sems can gti
158b₇ mug spyod pa rnams rten cing 'brel par 'byung ba khong du chud par 'gyur ro/ / kun tu 'gro ba zhes bya ba'i 'od zer des ni/ sems can cha mnyam par spyod pa rnams cha mnyam par spyod pa spong bar 'gyur ro//

_{iiif viewer powered by OpenSeadragon}

158a - 159a

Texts on this page