| e-texts navigator |
| བོད་ཡིག |
143a1 sman pa dang / skye bo mang po la bde ba dang / lha dang mi rnams kyi don dang / sman pa dang / bde bar bgyi ba'i slad du bshad du gsol/ dge slong gsar pa gsar pa rnams dang /
143a2 chos 'dul ba 'di la rab tu byung nas/ ring po ma lags shing mchis nas/ ring po ma lags pa rnams dang / theg pa chen po la yang dag par zhugs pa'i skyes bu dam pa 'di dag gis thos na dga' ba dang /
143a3 dad pa thob par 'gyur/ bslab pa de la'ang sbyor bar brtson par gnas par 'gyur lags so// de nas bcom ldan 'das kyis mi mjed kyi bdag po tshangs pa la gang bshad pa de/ dge slong de dag la'ang
143a4 bshad do/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das legs par bka' stsal to// bde bar gshegs pa legs par bka' stsal to//
143a5 mi mjed kyi bdag po tshangs pa mdo sde 'di lta bu dag yongs su zhu ba'i slad du/ bcom ldan 'das kyi thad du mchis nas/ zhus pa'ang legs par smras pa legs so// bcom ldan 'das mi mjed kyi bdag
143a6 po tshangs pas gal te dge ba'i rtsa ba gzhan ma mchis na'ang / zhu ba zhus pa'i mod las skyes pa'i dge ba'i rtsa ba 'di kho nas myur du bla na med pa yang dag par rdzogs pa'i byang chub mngon par rdzogs par 'tshang rgya
143a7 lags so/ / de ci'i slad du zhe na/ bcom ldan 'das dge ba'i rtsa ba 'di'i mtha' dang mu ni/ nyan thos dang rang sangs rgyas thams cad kyis rtogs par rngo mi thogs pa'i slad du'o// de ci'i slad du zhe na/
iiif viewer powered by OpenSeadragon
Texts on this page
S162 - 'phags pa tshangs pas zhus pa zhes bya ba theg pa chen po'i mdo