rKTs

e-texts navigator

Volume

Page

142b₁ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / dge slong dag de skad ces gsol pa dang / ngas mi mjed kyi bdag po tshangs pa la 'di
142b₂ skad ces bka' stsal to/ / tshangs pa zhu ba lung bstan pa'i phyir/ de bzhin gshegs pas rtag tu khyod la skabs phyes/ tshangs pa khyod ci dang ci 'dod pa zhus shig dang / zhus pa de dang de nyid kyi lung
142b₃ bstan pas/ ngas khyod kyi sems rangs par bya'o// de nas skabs phye bas mi mjed kyi bdag po tshangs pas/ nga la 'di skad ces gsol to// bcom ldan 'das byang chub sems dpa' sems dpa' chen
142b₄ po dag chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya lags/ dge slong dag de skad ces gsol pa dang / ngas mi mjed kyi bdag po tshangs pa la
142b₅ 'di skad ces bka' stsal to/ / tshangs pa byang chub sems dpa' sems dpa' chen po dag chos gcig dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o//
142b₆ chos gcig gang zhe na/ 'di lta ste/ lus kyi rjes su song ba'i dran pa'o// dge slong dag ngas mi mjed kyi bdag po tshangs pa de la lus kyi rjes su song ba'i dran pa'i rgyu dang / las dang 'bras bu'ang bstan to//
142b₇ de nas bcom ldan 'das la/ tshe dang ldan pa kun dga' bos 'di skad ces gsol to// legs so legs so// bcom ldan 'das kyis mi mjed kyi bdag po tshangs pa la gang bstan pa de/ skye bo mang po la

_{iiif viewer powered by OpenSeadragon}

142a - 143a

Texts on this page