rKTs

e-texts navigator

Volume

Page

139b₁ gsal zhing / zur phyin pa dag gis mngon par 'dzin to// ma nor bar chos ston pa las bzung nas kyang / ma nor ba'i bsam pas sems par byed do// bsgom pa'i rnal 'byor la'ang brtson par byed/
139b₂ do// de ye shes kyi stobs dang shes rab kyi bye brag gis sems can mi dmigs/ srog mi dmigs/ gso ba mi dmigs/ skye ba mi dmigs/ gang zag mi dmigs/ shed las skyes pa
139b₃ mi dmigs/ shed bu mi dmigs te/ thams cad kyi thams cad du chad par lta bar yang mi ltung ngo // btags pa'i tha snyad rnams la'ang legs par bslabs pa yin no// de zin pa'i sa'i khams
139b₄ dang / ma zin pa'i sa'i khams la yang dag pa'i shes rab kyis tshul gcig tu so sor rtog go// zin pa'i chu'i khams dang / me'i khams dang / rlung gi khams dang / ma zin pa la'ang yang dag
139b₅ pa'i shes rab kyis tshul gcig tu so sor rtog ste/ de gnyis ka'ang gsog nyid dang gsob nyid du mthong zhing / bems po nyid dang / snying po med pa nyid dang / stong pa nyid du mthong ngo // des de ltar
139b₆ mthong bas/ de ltar phyi rol gyi khams rnams la mngon par chags pa med pa de ltar nang gi rnams la'ang ngo // mig gi rnam par shes pa dang / gzugs rnams la'ang yang dag pa'i shes rab kyis tshul
139b₇ gcig tu so sor rtog go/ / rna ba'i rnam par shes pa dang / sgra rnams dang / sna'i rnam par shes pa dang / dri rnams dang / lce'i rnam par shes pa dang / ro rnams dang / lus kyi rnam par shes pa

_{iiif viewer powered by OpenSeadragon}

139a - 140a

Texts on this page