rKTs

e-texts navigator

Volume

Page

138b₁ tshogs dag la'ang mtshan mar mi 'dzin cing / mngon rtags su mi 'dzin pa yin no// gzugs dang / sgra dang / dri dang / ro dang / reg pa sna tshogs dag la'ang mtshan mar mi 'dzin cing /
138b₂ mngon rtags su mi 'dzin pa yin no// skyes pa dang / bud med dang / khye'u dang / bu mo rnams la'ang mtshan mar mi 'dzin cing / mngon rtags su mi 'dzin pa yin no// de gcig pu dben
138b₃ par 'dug nas/ nang du yang dag 'jog cing sems gnas par bya ba'i phyir nan tan byed de/ mi sdug pa la dmigs pa 'am/ byams pa la dmigs pa'am/ snying rje la dmigs pa 'am
138b₄ yid 'byung bar 'gyur ba gang yang rung bas ji ltar lus khengs par mi 'gyur ba de ltar dmigs par byed de/ dbugs rngub pa dang 'byung ba mi 'gag go// rgyun rnams kyang mi 'chad do// rlung 'khrug
138b₅ par mi 'gyur ro/ / sems log par rnam par g.yeng bar mi 'gyur ro// de 'chag gam/ nyal lam/ 'greng ngam/ 'dug kyang dmigs pa de nyid kyis 'dug go// de nyid la sems gtong
138b₆ ngo / / tshangs pa gang gi tshe byang chub sems dpa' dmigs pa la sems brtan par gyur pa de'i tshe/ sems la sems mnyam par 'jog ste/ sems kyis sems kyang mi dmigs so// gang gis
138b₇ mnyam par 'jog pa de'ang mi dmigs so/ / gang gi phyir mnyam par 'jog pa de'ang mi dmigs so// de 'di snyam du sems te/ kye ma byis pa so so'i skye bo 'di dag ni gsog gi chos rnams dang /

_{iiif viewer powered by OpenSeadragon}

138a - 139a

Texts on this page