| e-texts navigator |
| བོད་ཡིག |
135b1 gis srog chags kyi srog gcod par mi byed/ zhe sdang gi dbang dang / gti mug gi dbang gis srog gcod par mi byed do// de sems can gzhan dag dang / gang zag gzhan rnams la bdag tsam du 'du
135b2 shes par byed cing / sdug pa bu tsam du 'du shes par byed do// bdag nyid kyis sems can gzhan dag dang / gang zag gzhan rnams kyi srog gcod par mi byed do// gzhan dag kyang srog gcod du
135b3 mi 'jug go/ / gzhan dag srog gcod pa la'ang rjes su yi rang bar mi byed do// bdag gis kyang mi gcod do// gzhan dag kyang gcod du mi 'jug go// gzhan dag gcod pa la'ang rjes su yi rang
135b4 bar mi byed do/ / bdag kyang mi rdeg go// gzhan dag kyang rdeg tu mi 'jug go// gzhan dag rdeg par byed pa la'ang rjes su yi rang bar mi byed do// ji ltar na ma byin par len pa spong ba yin zhe na
135b5 tshangs pa 'di la byang chub sems dpa' ni sems can rnams kyi 'tsho ba'i yo byad gang dag yin pa 'di lta ste/ gser dang / nor bu dang / mu tig dang / bai DUR+Ya dang / dung dang / man shel
135b6 dang / byu ru dang / sa le sbram dang / dngul la sogs pa dang / gos dang rgyan gyi rnam pa dag dang / nor dang / 'bru dang / mdzod dang / bang ba'i rnam pa de dag la chags pa mi skyed
135b7 de dag la rnam par rtog par mi byed cing / rku 'phrog mi byed do// rku 'phrog byed du mi 'jug go// rku 'phrog byed pa rnams la rjes su yi rang bar mi byed do// de grong na yod pa 'am/ dgon pa na
iiif viewer powered by OpenSeadragon
Texts on this page
S162 - 'phags pa tshangs pas zhus pa zhes bya ba theg pa chen po'i mdo