| e-texts navigator |
| བོད་ཡིག |
134a1 ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to// tshangs pa byang chub sems dpa' sems dpa' chen
134a2 po dag chos gcig dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gcig gang zhe na/ 'di lta ste/ lus kyi rjes su song ba'i dran
134a3 pa'o/ / tshangs pa byang chub sems dpa'i lus kyi rjes su song ba'i dran pa ji lta bu yin zhe na/ tshangs pa 'di la byang chub sems dpa' ni 'gro'o snyam pa'i dran pa dang ldan pa yin zhing / yang dag pa ji
134a4 lta ba bzhin du rab tu shes so/ / ldog go snyam du dran pa dang ldan pa yin zhing / yang dag pa ji lta ba bzhin du rab tu shes so// nyal lo snyam pa dang / ldang ngo snyam pa dang / 'chag go snyam pa
134a5 dang / 'dug go snyam du dran pa dang ldan pa yin zhing yang dag pa ji lta ba bzhin du rab tu shes so// de gcig pu dben par 'dug ste/ nang du yang dag bzhag nas 'khrug pa med pa'i yid kyis lus
134a6 'di nyid la 'di lta ste/ kye ma lus 'di ni mi brtan pa/ mi rtag pa/ rang bzhin gyis nyam chung ba/ snying po med pa/ ther zug ma yin pa/ rnam par 'thor ba'i chos can/ rnam par 'jig
134a7 ba'i chos can/ rten cing 'brel par 'byung ba/ sgyu ma dang 'dra ba/ zil pa'i thigs pa dang 'dra ba/ g.yo ba/ mi gnas pa/ mi gtsang ba/ rnag gi dri nga ba can/ rlung dang nyi mas mthar
iiif viewer powered by OpenSeadragon
Texts on this page
S162 - 'phags pa tshangs pas zhus pa zhes bya ba theg pa chen po'i mdo