| e-texts navigator |
| བོད་ཡིག |
133b1 ji ltar skyil mo krung bcas pa de nyid kyis bzhugs par mthong ngo // mthong nas kyang bcom ldan 'das ga la ba der song ste phyin nas/ bcom ldan 'das la lan gsum bskor ba byas te/ bcom
133b2 ldan 'das kyi zhabs la mgo bos phyag 'tshal nas phyogs gcig tu 'dug go/ / phyogs gcig tu 'dug nas mi mjed kyi bdag po tshangs pas/ bcom ldan 'das la 'di skad gsol to//
133b3 gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar snang na/ de bzhin gshegs pa dgra bcom pa yang dag par rdzogs pa'i sangs rgyas la bdag
133b4 phyogs 'ga' zhig zhu lags so/ / de skad ces gsol pa dang / bcom ldan 'das kyis/ mi mjed kyi bdag po tshangs pa la 'di skad ces bka' stsal to// tshangs pa zhu ba lung
133b5 bstan pa'i phyir/ de bzhin gshegs pas rtag tu khyod la skabs phyes/ tshangs pa khyod ci dang ci 'dod pa de bzhin gshegs pa la zhus shig dang / zhus pa de dang de nyid kyi lung bstan
133b6 pas/ ngas khyod kyi sems rangs par bya'o// de nas bcom ldan 'das kyis skabs phye bas/ mi mjed kyi bdag po tshangs pas/ bcom ldan 'das la 'di skad ces gsol to// bcom
133b7 ldan 'das byang chub sems dpa' sems dpa' chen po dag chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya lags/ de skad
iiif viewer powered by OpenSeadragon
Texts on this page
S162 - 'phags pa tshangs pas zhus pa zhes bya ba theg pa chen po'i mdo