| e-texts navigator |
| བོད་ཡིག |
125b1 ldan gnas na mchis te/ 'di lta bu'i mdo sde dag kun tu bsrung ba dang / yongs su gzung ba dang / yun ring du gnas par bgyi ba'i slad du nan tan du bgyi'o// bcom ldan 'das slang ma'i tshe slad ma'i
125b2 dus na/ 'di lta bu'i mdo sde rnams su'i rna bar grag par 'gyur ba dang / thos nas 'dzin pa dang / 'chang ba dang / klog pa dang / gzhan dag la'ang rgya cher rab tu ston cing bdag nyid kyang sbyor bar
125b3 bgyid pa de ni/ bcom ldan 'das byang chub sems dpa' byams pa'i byin gyi rlabs su rig par bgyi'o// bcom ldan 'das de'i tshe bdud kyi phyogs kyang g.yos par 'gyur te/ 'on kyang dge ba'i rtsa ba
125b4 gang gis bdag gi spu'i khung bu re re grub pa de la/ stong gsum gyi stong chen po'i 'jig rten gyi khams kyi sems can de dag thams cad bdud sdig can du gyur kyang / de dag bdag gi spu'i bu ga gcig
125b5 gis yongs su gzung ba'i dge ba'i rtsa ba'i brgya'i char yang nye bar mi mchi ba nas/ dpe'i bar du nye bar mi mchi'o// bcom ldan 'das bdag gi bsod nams kyi stobs dang / ye shes kyi stobs kyis
125b6 bdud kyi dkyil 'khor thams cad rab tu pham par bgyis la/ de bzhin gshegs pas bskal pa bye ba grangs ma mchis par yang dag par bsgrubs pa'i byang chub 'di bsrung bar bgyi'o// bcom ldan
125b7 'das kyis bka' stsal pa/ byams pa legs so legs so// byams pa bzhi po 'di dag ni byang chub sems dpa'i las te/ bzhi gang zhe na/ 'di lta ste/ bdud dang nyon mongs pa thams cad tshar
iiif viewer powered by OpenSeadragon
Texts on this page
S160 - 'phags pa nam mkha' mdzod kyis zhus pa zhes bya ba theg pa chen po'i mdo