rKTs

e-texts navigator

Volume

Page

118b₁ bcas/ / nga yir 'du shes bzung nas su// mdzas slong ster khyim la dga'// de dag der ni rab 'jug cing // 'jig rten pa yi gtam rnams bgyid/ zhing gi don dang khyim gyi
118b₂ don/ / de dag nyon tshong bgyid la gnas// thong gshol shal ba rnams ldan yang // bdag cag dge slong yin zhes 'dzer// dmigs pa yi ni rab tu 'gyod// lta ba tha dad kun/
118b₃ tu gnas// stong pa nyid kyi chos thos nas// de dag g.yang sa bzhin du 'gyur// 'jig rten pha rol mi spyod cing // las kyi rnam par smin pa 'dor// brdzun du smra dang rab tu ldan//
118b₄ chos ma lags la chos su 'dzin// dge slong rgyal po rab 'khrug cing // de ltar rab tu ma rungs pa// rnam par 'jig tshe sems can phyir// bdag cag dam chos gzung bar bgyi/
118b₅ mdo sde rnams kyang phan tshun du// 'thun par dpyod par mi bgyid de// rang rang gi ni smra rnams la// de dag rtag tu mos par bgyid// mdo sde gang dag rab zab cing // rnam grol
118b₆ 'bras bu ldan pa rnams/ / rab tu 'dzin par mi bgyid de// de dag sna tshogs gtam rnams bgyid// 'di 'dra ba yi dus 'di na// don bcas chog 'brur ldan pa yi// legs par
118b₇ gsungs pa'o chos rnams ni/ / rab tu rnam par 'jig par 'gyur// de yi tshe na sems can yang // rab tu rnam par 'jig par 'gyur// rgyal po'i las kyis bsngags pa na// 'jigs shing

_{iiif viewer powered by OpenSeadragon}

118a - 119a

Texts on this page