rKTs

e-texts navigator

Volume

Page

110a₁ bdud kyi las mi dmigs so/ / gang chos kyi dbyings ji lta bar bdud kyi las kyang de bzhin te/ chos kyi dbyings de bzhin nyid las tha mi dad do// de ltar tshul gcig la 'jug
110a₂ pa'i rjes su song ba'i byang chub sems dpa' ni bdud kyi yul las yang dag par 'da' 'o/ / byang chub sems dpa' spos kyi glang po'i bal glang gis smras pa/ nyam chung ba la ni bdud kyis glags
110a₃ rnyed de/ stobs dang ldan pa la ni bdud kyis glags mi rnyed do// de la nyam chung ba de ni rnam par thar pa'i sgo gsum gyis skrag pa'o// de la stobs de ni rnam par thar pa'i sgo gsum gyis mi skrag
110a₄ pa ste/ mngon sum pas na mi skrag go// shin tu rtogs pas na mi skrag go// rab tu bsgoms pas na mi skrag ste/ de skrag pa med pas bdud kyi yul las yang dag par 'da'a'o// de ni bdud
110a₅ kyi yul las yang dag par 'da' ba zhes bya ba chos snang ba'i sgo'o/ / byang chub sems dpa' byams pas smras pa/ 'di lta ste/ dper na rgya mtsho chen po'i chu ro gcig pa bzhin du/ chos kyi ye
110a₆ shes kyi rgya mtsho 'dir chos thams cad kyang ro gcig go/ / gang bdud kyi las rnams dang / gang sangs rgyas kyi 'phrin las de dag thams cad ni stong pa nyid mtshungs/ mtshan ma med par mtshungs//
110a₇ smon pa med par mtshungs/ skye ba med par mtshungs 'byung ba med par mtshungs te/ ro gcig pa la zhugs pa'i byang chub sems dpa' ni bdud kyi yul las yang dag par 'da' 'o//

_{iiif viewer powered by OpenSeadragon}

109b - 110b

Texts on this page