| e-texts navigator |
| བོད་ཡིག |
98b1 sems dpa' chen po 'di dag dbugs rngub pa dang / dbugs 'byung ba thams cad du nye bar len pa'i phung po lnga po dag gi skye ba dang / 'jig pa la rtog par byed de/ des na sred pa dang / chags//
98b2 pa dag skems par yang byed la/ nges pa la 'jug par yang mi byed do// rdzu 'phrul gyi rkang pa bzhis rnam par rtse ba mngon par shes pa yin no// sangs rgyas bcom ldan 'das de dag thams
98b3 cad la mchod pa dang / bkur sti bya ba dang / dam pa'i chos mnyan pa'i phyir/ sangs rgyas kyi zhing thams cad du glog lta bu'i shugs kyis 'gro ba la mkhas pa'ang yin no// sems can rnams kyi
98b4 lam gsum po las kyi lam dang nyon mongs pa'i lam dang / sdug bsngal gyi lam dag skem par yang byed do// 'dod pa'i khams las yang dag par 'da' bar yang byed la/ 'dod pa'i
98b5 khams dag gtong bar yang mi byed do/ / sems can thams cad yongs su smin par bya ba'i phyir/ 'gro ba sna tshogs kyi skye ba'i sa dag ston par yang byed la/ mngal gyi nyes pas gos par
98b6 yang mi byed do/ / sems can rnams kyi nyon mongs pa'i dra ba gcod par yang byed la/ sems can rnams dmigs par yang mi byed do// dpal cho ga shes 'di la byang chub sems dpa'
98b7 sems dpa' chen po dag dbugs rngub pa dang / dbugs 'byung ba phan tshun mi 'dra ba la'ang ji lta ba bzhin rtogs par yang byed la/ 'phral 'phral du de shes par yang mi byed do// dbugs rngub
iiif viewer powered by OpenSeadragon
Texts on this page
S154 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo