| e-texts navigator |
| བོད་ཡིག |
295b1 yud tsam gcig gis 'di lta ste dper na/ bu mo lo brgyad lon pa lta bu'i na tshod du kun tu snang ngo // des sa'i phyogs gang dang gang dag tu 'greng ba dang / 'chag pa dang / 'dug pa dang / mal bcas/
295b2 par gyur pa de dang de dag tu 'od gzer gser gyi mdog lta bu dag snang bar gyur to// de'i spu'i khung bu thams cad nas tsan dan sa mchog dri dag dang / kha nas kyang ut+pal sngon po'i dri dag byung bar gyur
295b3 de nas yangs pa can gyi tshong dpon dang / khyim bdag dang / rgyal bu rnams dang / de las gzhan pa rigs che ba dang / rigs mtho ba dag gis/ bu mo zla mchog gi lus kyi
295b4 gzugs dang / kha dog yongs su rdzogs pa thos so// thos nas kyang 'dod pa'i 'dod chags kyis sems shin tu dkris par gyur cing / so so nas 'di snyam du sems te de bdag gi chung mar gyur na ci ma rung snyam mo//
295b5 de na skye bo phal po che rnams de thob par bya ba'i phyir sems brtson par gyur te/ de dag las kha cig ni li tsa byi dri ma med par grags pa la sten par byed bsten par byed cing / bsnyen bkur byed par gyur to// kha
295b6 cig ni nor bu dang / gser dang / dngul dang / rdo rje dang / bai DAR+Ya dang / sdug dang / an da rnyil dang / dung dang / man shel dang / zho shas byir bye ma snyed dag sbyin zhing 'dod pa skyed par byed
295b7 do/ kha cig ni nor dang / 'bru dang / khyim dang / longs spyod dang / kha zas dag ston par byed do// kha cig ni bran dang bran mo dang / las mi dang / zho shas 'tsho ba dag la gsad pa dang bcing
iiif viewer powered by OpenSeadragon
Texts on this page
S149 - mi rtag pa nyid kyi mdo