rKTs

e-texts navigator

Volume

Page

282b₁ mngon par 'du byed de/ de'i 'gro ba yang sna tshogs su gyur to// klu'i bdag po 'khor 'di dang / rgya mtsho chen po 'dzin rnam pa sna tshogs ji snyed pa dang / gzugs tha mal pa ji snyed snang ba la ltos/ klu'i bar/
282b₂ po 'di dag thams cad ni rang rang gi sems dang / lus dang ngag dang / yid kyi las dge ba dang / mi dge ba sna tshogs su byas pas/ sna tshogs su gyur pa dag go// sems ni gzugs med pas/ bstan du med
282b₃ pa/ gzung du med pa'o// klu'i bdag po 'di ltar chos thams cad ni ma bcos/ ma bsgrubs par gnas pa'i mtshan nyid de/ bdag po med pa bdag gi med pa// yongs su 'dzin pa med pa'o// de dag ni las ji
282b₄ ltar bsags pas/ bsgrubs pa sna tshogs su byas pa dag ste/ 'di la byed pa po gang yang med do// klu'i bdag po 'di ltar chos 'di dag thams cad ni bsam gyis mi khyab pa/ sgyu ma'i mtshan nyid kyi ngo bo nyid do//
282b₅ klu'i bdag po de la byang chub sems dpa' mkhas pas/ chos thams cad bsgrubs pas gnas pa'i mtshan nyid du shes nas/ dge ba'i las mngon par 'du bya ba dag mngon par 'du bya'o// de dge ba'i las
282b₆ mngon par 'du bya ba dag mngon par 'du byed na/ bsgrubs pas gnas pa'i mtshan nyid kyi chos rnams kyi phung po dang / khams dang / skye mched gang dge mngon par 'grub pa de dag mdzes shing blta na
282b₇ sdug la gzugs bzang ba dag tu mngon par 'grub bo/ / klu'i bdag po de bzhin gshegs pa'i sku bsod nams bye ba khrag khrig brgya stong las skyes pa/ mtshan rnams kyis ji ltar brgyan pa dang / ji ltar

_{iiif viewer powered by OpenSeadragon}

282a - 283a

Texts on this page