rKTs

e-texts navigator

Volume

Page

97a₁ grags pa dang / bsngags pa dang / bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o// gzhan yang gsum ste/
97a₂ dbang po rnams shin tu sbas pa dang / mdud pa rnams las shin tu rnam par grol ba dang / sems shin tu dul ba'o// gzhan yang gsum ste/ sa'i yon tan la gnas pa shes pa dang / sa'i nyes
97a₃ pa bzlog pa shes pa dang / sa nas sar 'phar bshes pa'o// gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la gnas pa dang / sbyor ba rgyun mi 'chad
97a₄ par gnas pa'o/ / gzhan yang gsum ste/ ting nge 'dzin yongs su dag par bya ba'i phyir/ lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob
97a₅ pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o// gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la
97a₆ khong khro ba spong ba dang / sdug bsngal yang med/ bde ba yang med pa'i tshor ba la ma rig pa spong ba'o// gzhan yang gsum ste/ mngon par 'du bya ba med pas rgyu las ldog pa dang / yongs su mi/
97a₇ rtog pas nyon mongs pa las ldog pa dang / smon pa med pas khams gsum las ldog pa'o// gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med

_{iiif viewer powered by OpenSeadragon}

96b - 97b

Texts on this page