rKTs

e-texts navigator

Volume

Page

96b₁ shes pa dang / gtam ci 'dra ba zhig bya zhes sems can shes pa dang / dus su gnas pas dus shes pa'o// gzhan yang gsum ste/ phung po rnams la chos kyi phung po dang mnyam pa nyid dang
96b₂ khams la chos kyi dbyings dang mnyam pa nyid dang / skye mched rnams la grong stong pa ltar so sor rtog pa'o// gzhan yang gsum ste/ rgyu'i 'bras bu chud mi gzon pa dang / rkyen rnams kyi 'phel
96b₃ pa la mkhas pa dang / tshogs nas phan tshun yang dag par 'du ba'o// gzhan yang gsum ste/ sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar
96b₄ gus par bsnyen bkur byed pa'o/ / gzhan yang gsum ste/ 'dod chags rab tu zhi ba dang / zhe sdang dang bral ba dang / gti mug yang dag par bcom pa'o// gzhan yang gsum ste/
96b₅ kun rdzob gyi bden pa la 'jug pa dang / mtshan nyid kyi bden pa ston pa dang / don dam pa'i bden pa la gnas pa'o// gzhan yang gsum ste/ sems can rnams la brnyas pa med pa dang /
96b₆ sbyin gnas rnams rab tu 'dud pa dang / nyon mongs pa rnams su mi lhung ba'o// gzhan yang gsum ste/ 'dod pa'i khams kyis mi gos pa dang / gzugs kyi khams dang ma 'dres pa dang /
96b₇ gzugs med pa'i khams de la de ma chags pa'o// gzhan yang gsum ste/ ma rnyed pa dang / ma grags pa dang / smad pa dang / sdug bsngal rnams kyis sro shi ba med pa dang / rnyed pa dang /

_{iiif viewer powered by OpenSeadragon}

96a - 97a

Texts on this page