| e-texts navigator |
| བོད་ཡིག |
78a1 bcom ldan 'das ye shes chen po'i stobs bsgrags pa'i de bzhin gshegs pa des bstan pa 'di bshad pa na/ byang chub sems dpa' sems dpa' chen po sum khri nyis
78a2 stong gis mi skye ba'i chos la bzod pa skyes so/ / byang chub sems dpa' chos smra bas/ bcom ldan 'das de las bstan pa 'di thos nas/ tshim zhing mgu la yid rangs shing rab tu dga' ste/
78a3 dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das ji tsam du de bzhin gshegs pas// byang chub sems dpa' rnams kyi dam pa'i chos
78a4 yongs su 'dzin pa 'di legs par gsungs pa ni ngo mtshar to/ / bcom ldan 'das ji ltar bdag gis/ bcom ldan 'das kyis gsungs pa'i don 'tshal ba ltar na bdag 'di snyam du bgyid de/
78a5 bcom ldan 'das chos thams cad ni chos ma lags so// gang chos ma lags pa de ni chos so// de ci'i slad du zhe na/ bcom ldan 'das chos thams cad ni mngon par zhen pas chos ma
78a6 lags so/ / gang mngon par zhen pa ma mchis pa de ni chos so// bcom ldan 'das chos dang / chos ma lags pa gnyis kyi 'du shes dang ldan pa'i chos thams cad ni chos ma lags pa'o//
78a7 bcom ldan 'das 'du shes yongs su shes pa dang ldan pa'i chos thams cad ni chos so// bcom ldan 'das don dam par bstan/ chos dang chos ma lags pa mi dmigs so// gang la chos
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo