rKTs

e-texts navigator

Volume

Page

75b₁ mal cha dang / na ba'i gsos sman dang / yo byad sbyin pa dang / legs so zhes bya ba sbyin pa dang / rje bo ltar kun tu srung ba dang / dge ba kun tu srung ba dang / bsngags pa rjod pa dang / mi snyan
75b₂ pa 'chab pa 'di yang dam pa'i chos yongs su 'dzin pa'o/ / rigs kyi bu gzhan yang gang stong pa nyid la mos pa dang / mtshan ma med pa la yid ches pa dang / smon pa med pa la som nyi med pa
75b₃ dang mngon par 'du bya ba med pa la kho na nyid du nges par sems pa 'di yang dam pa'i chos yongs su 'dzin pa'o/ / rigs kyi bu gzhan yang rtsod pa med pa lhur len pa dang / chos ma yin pas
75b₄ rtsod pa rnams chos dang 'thun par tshar gcod pa 'di yang dam pa'i chos yongs su 'dzin pa'o/ / rigs kyi bu gzhan yang zhe sdang med pa'i rgyu dang / sems can bsdu ba dang / rab tu thar par
75b₅ bya ba'i blo dang / zang zing med pa'i sems kyis gzhan dag la chos sbyin pa 'di yang dam chos yongs su 'dzin pa'o// rigs kyi bu gzhan yang lus dang srog 'dor zhing / mdo sde 'di lta bu
75b₆ 'di dag kun tu srung ba dang / sbeng ba dang / sgrub par dgon pa na gnas pa 'di yang dam pa'i chos yongs su 'dzin pa'o// rigs kyi bu gzhan yang gang chos mnyan pa'i rgyu las byung
75b₇ ba'am/ chos bstan pa'i rgya las byung bas/ bran gom pa gcig 'dor ram/ than dbugs 'byin pa 'am/ rngub pa gcig kyang rung // 'di yang dam pa'i chos yongs su 'dzin pa/

_{iiif viewer powered by OpenSeadragon}

75a - 76a

Texts on this page