| e-texts navigator |
| བོད་ཡིག |
71a1 byin te/ blo gros rgya mtsho khyod kyis byang chub sems dpa' rnams kyi spobs de dag legs par bshad pa ni legs so legs so// stobs 'di lta bu dang ldan pa'i
71a2 byang chub sems dpa' rnams ni gang thos nas skrag par 'gyur ba'i sangs rgyas kyi chos de dag gang yang med do/ / blo gros rgya mtsho bstan pa'i sgra de dag thams cad ni 'jig pa'o// byang chub kyi/
71a3 don dam pa gang yin pa de ni brjod par mi nus so// de ci'i phyir zhe na/ brjod du med pa de ni bsnyad du med pa ste/ de la ni yi ge rnams kun tu mi rgyu'o// de la ni sems dang sems las
71a4 byung ba'i chos rnams kyang kun tu mi rgyu na/ yi ge rnams kun tu rgyu bar 'gyur ba lta smos kyang ci dgos/ 'di ltar chos zab mo yi ge med pa// bsnyad pa med pa/ rjod du med pa
71a5 smrar med pa 'di lta bu mngon par rdzogs par sangs rgyas kyang yi ge'i rnam par rig pas/ sems can gzhan dang / gang zag gzhan rnams la ston te/ sems can bsam gyis mi khyab pa
71a6 dag la sangs rgyas bcom ldan 'das rnams kyi thugs rje chen po ji snyed 'jug pa la ltos/ / blo gros rgya mtsho 'di lta ste/ dper na/ skyes bu la la zhig gis nam mkha'
71a7 gzugs med pa/ bstan du med pa/ thog pa med pa/ rnam par rig pa med pa 'di la tshon sna tshogs kyis ri mor bris te/ rta pa dang / glang po che dang / shing rta dang / dpung bu chung dang /
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo