rKTs

e-texts navigator

Volume

Page

70a₁ nam mkha' zhes bstan kyang / nam mkha' la yang dag par yongs su grub pa gang yang med do// tshangs pa de bzhin du sangs rgyas kyi chos rnams la/ sangs rgyas kyi
70a₂ chos rnams shes bstan kyang / sangs rgyas kyi chos rnams la ni yang dag par yongs su grub pa gang yang med do// smras pa/ rigs kyi bu byang chub sems dpa' las dang po pas bstan pa 'di
70a₃ thos nas/ skrag par mi 'gyur gyi/ des sangs rgyas kyi chos rnams kyi ched du go cha gyon pa ni ngo mtshar to// smras pa/ tshangs pa sangs rgyas kyis byin gyis brlabs pa'i sems can rnams byang chub
70a₄ tu sems bskyed de/ de dag sangs rgyas kyi chos zab mo thos na/ skrag par mi 'gyur ro// tshangs pa 'dzin pa dang / mngon par zhen par gyur na/ skrag par 'gyur gyi/ 'dzin pa med cing mngon
70a₅ bar zhen pa med pa na/ skrag par mi 'gyur ro// gnas dang chags par gyur na/ skrag par 'gyur gyi/ gnas med cing chags pa med na/ skrag par mi 'gyur ro// ngar 'dzin pa dang /
70a₆ nga yir 'dzin par gyur na/ skrag par 'gyur gyi/ ngar 'dzin pa dang / nga yir 'dzin pa dang bral na/ skrag par mi 'gyur ro// smras pa/ stobs gang dang ldan na/ byang chub sems dpa'//
70a₇ sangs rgyas kyi chos zab mo dag la skrag par mi 'gyur ba'i byang chub sems dpa'i stobs gang yin/ smras pa/ tshangs pa byang chub sems dpa' rnams kyi stobs ni brgyad po 'di dag ste/ stobs//

_{iiif viewer powered by OpenSeadragon}

69b - 70b

Texts on this page