| e-texts navigator |
| བོད་ཡིག |
67b1 byang chub bo/ / de bzhin gshegs pas chos thams cad ji ltar gzigs pa ltar sangs rgyas kyi chos de dag kyang da 'dra ba nyid do// tshangs pa snying rje chen po sems pas smras pa/ rigs kyi
67b2 bu sangs rgyas kyis chos rnams khams gsum las shin tu 'das pa ma yin nam/ blo gros rgya mtshos smras pa/ tshangs pa khams gsum gyi ngo bo nyid kyi mtshan nyid sangs rgyas kyi chos rnams
67b3 so/ / de ci'i phyir zhe na/ tshangs pa sangs rgyas kyi chos rnams khams gsum las shin tu mnyam pa nyid la tha ma 'am/ mchog gang yang med do// tshangs pa 'di lta ste dper na/ nam mkha'
67b4 la tha ma 'am/ mchog gang yang med do// tshangs pa de bzhin du sangs rgyas kyi chos de dag ni nam mkha' dang mnyam ste/ de dag la yang tha ma 'am/ mchog gang yang med do// tshangs pa
67b5 chos thams cad kyi rang bzhin gang yin pa de ni/ ngo bo nyid kyis stong pa nyid de/ de la yang tha ma 'am/ mchog gang yang med do// tshangs pa sangs rgyas kyi chos khong du chud par 'dod pa'i
67b6 rigs kyi bu 'am/ rigs kyi bu mos rtogs pa med pa'i tshul gyis sangs rgyas kyi chos de rnams de ltar rtogs par bya'o// tshangs pa gzhan yang sangs rgyas kyi chos rnams ni yul na mi gnas pa
67b7 phyogs nas mi gnas pa/ ma skyes pa/ ma 'gags pa/ sngon po ma yin pa/ ser po ma yin pa/ dmar po ma yin pa/ dkar po ma yin pa/ le brgan ma yin pa/ shel dang dngul gyi kha dog
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo