| e-texts navigator |
| བོད་ཡིག |
63b1 bstan pa 'di la brtson 'grus brtsams pa ni dag par 'gyur gyi/ le lo can ni ma yin no// blo gros rgya mtsho rnam grangs des na/ 'di ltar gang la brtson 'grus dang / bag yod pa//
63b2 de la byang chub yod par rig par bya'o// bcom ldan 'das kyis brtson 'grus dang rab tu ldan pa'i sngon byung ba 'das pa'i le'u 'di bshad pa na/ byang chub sems dpa' lnga stong gis
63b3 mi skye ba'i chos la bzod pa rab tu thob par gyur to/ / lha dang mi'i skye dgu'i srog chags bdun stong gis/ bla na med pa yang dag par rdzogs pa'i byang chub tu sems bskyed do//
63b4 de nas de'i tshe bcom ldan 'das kyis tshigs su bcad pa 'di dag gsungs so// ngas dran snga ma 'das pa'i dus na ni/ bskal pa me tog 'byung gnas blta sdug la//
63b5 shin tu rnam bltas 'jig rten khams mchog tu// brtson 'grus 'bar ba'i bde bar gshegs pa byung // bskal pa de la rgyal ba gang byung ba// de dag brgyad khri bzhi stong tham pa'o// /
63b6 'jig rten khams ni dga' ldan gnas 'dra ste// mi yi bza' dang btung ba bsams pas 'byor// bud med yod min mngal na gnas pa med// sems can thams cad rdzus te skyes par
63b7 gyur/ theg pa dman pa grag par ma gyur te// thams cad bdag nyid che ba'i theg chen zhugs// shin tu rnam pa ltas 'jig rten khams blta phyir/ byang chub sems dpa' phyogs bcu
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo