| e-texts navigator |
| བོད་ཡིག |
5b1 po rnams dang / rgya mtsho chen po rnams dang / ri rab rnams dang / 'dod pa na spyod pa'i lha'i bu rnams la yang / sngon ji lta bar phyis kyang de bzhin du sgrib pa ci yang med par de kho na bzhin du kun tu/
5b2 snang ngo // chu'i phung po de las kyang pad+ma chu ba ni bai DUR+Ya/ lo ma gel pa ni in+d+ra rnyil/ lo ma ni 'dzam bu'i chu bo'i gser/ ze ba ni dpal gyi snying po/ snying po ni rdo'i snying po las grub pa/ mu tig gi
5b3 dra bas ni khebs par byas pa/ 'dab ma bye ba khrag khrig brgya stong phrag du ma dang ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che bkod
5b4 pa'i 'khor gyi gzhi las thal nas/ shing ta la'i srid du 'phags te/ thams cad dang ldan pa'i 'khor de yang de'i tshe/ pad+ma la 'khod par kun tu snang ngo // pad+ma de dag las kyang 'od gang dag gis phyogs
5b5 bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od de lta bu dag byung ngo / / de nas thams cad dang ldan pa'i 'khor de ngo mtshar du gyur nas/
5b6 ltar snga ltas 'di dag kun tu snang ba las na/ kye ma'o// 'di ni chos bstan pa chen por 'gyur ro zhes ched du rjod pa ched du brjod do// de nas byang chub sems dpa' sems dpa' chen po
5b7 byams pas/ cho 'phrul rgya chen po de mthong nas pad+ma'i stan las langs te/ kos phrag pa gcig tu bgos nas pus mo g.yas pa'i lhang pad+ma'i snying po la btsugs te/ bcom ldan 'das ga la ba der logs
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo