| e-texts navigator |
| བོད་ཡིག |
54a1 dper na/ rnga mkhan gyis snod du ma byas pa dag snod kyi ming mi thob bo// shA ra dwa ti'i bu de bzhin du dge ba'i rtsa ba byang chub tu yongs su ma bsngos pa yang pha rol tu phyin pa'i/
54a2 ming mi thob bo// shA ra dwa ti'i bu/ 'di lta ste/ dper na/ sus 'khor los sgyur ba'i rgyal po mthong ba de/ phyis rgyal phran thams cad la re bar mi byed do// shA ra dwa ti'i bu de bzhin du sus
54a3 chos kyi rgyal po de bzhin gshegs pa mthong ba de phyis nyan thos dang / rang sangs rgyas thams cad la re bar mi byed do// shA ra dwa ti'i bu 'di lta ste/ dper na/ ba lang gi rjes kyi chu las rin po che
54a4 thams cad mi 'byung ngo / / shA ra dwa ti'i bu de bzhin du nyan thos kyi tshul khrims las dkon mchog gsum po dag mi 'byung ngo // shA ra dwa ti'i bu/ 'di lta ste/ dper na/ rgya mtsho chen po las
54a5 rin po che thams cad 'byung ngo / / shA ra dwa ti'i bu de bzhin du byang chub sems dpa'i tshul khrims dang / thos pa'i rgya mtsho las sangs rgyas dkon mchog dang / chos dkon mchog dang / dge 'dun dkon
54a6 mchog ste/ dkon mchog gsum po dag 'byung ngo // shA ra dwa ti'i bu/ 'di lta ste/ dper na/ rgyal po'i bu btsas nas ring por ma lon pa ni/ rgyal po zhe 'am/ rgyal po ma yin pa zhes
54a7 kyang mi rjod do/ / shA ra dwa ti'i bu de bzhin du byang chub sems dpa' las dang po pa yang / sangs rgyas zhe 'am/ sangs rgyas ma yin pa zhes kyang mirjod do// shA ra dwa ti'i bu 'di lta ste/ dper na/
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo