| e-texts navigator |
| བོད་ཡིག |
45b1 yin no/ / gang gi tshe sems can thams cad la snying rje chen po bskyed nas/ sems can thams cad bsdu ba'i phyir/ rab tu thar par bya ba'i blos sbyin pa byin nas thams cad mkhyen pa nyid du yongs su sngo bar
45b2 byed pa de'i tshe/ lha'i bu'i bdud tshar gcod pa yin no// blo gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims bsrungs pas phung po'i
45b3 bdud tshar gcod do/ / bdag med par lta ba la gnas te/ tshul khrims bsrungs pas nyon mongs pa'i bdud tshar bcad do// tshul khrims yongs su dag te/ rga shi las bzla ba'i phyir tshul
45b4 khrims bsrungs pas 'chi bdag gi bdud tshar gcod do/ / bdag gis tshul khrims 'chal pa'i sems can rnams 'phags pa'i tshul khrims la rab tu 'god par bya'o snyam ste/ tshul khrims
45b5 bsrungs pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' bdag mi dmigs par bzod pa sgom pas phung po'i bdud tshar gcod do// sems can mi dmigs
45b6 par bzod pa bsgoms pas nyon mongs pa'i bdud tshar gcod do/ / 'khor ba mi dmigs par bzod pa bsgoms pas 'chi bdag gi bdud tshar gcod do// mya ngan las 'das pa mi dmigs par
45b7 bzod pa bsgoms pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' lus dben par brtson 'grus rtsom pas phung po'i bdud las shin tu 'da'o// sems
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo