| e-texts navigator |
| བོད་ཡིག |
32b1 sems can thams cad kyi bsti stang du ma byas kyang btud par mi 'gyur ro// khengs pa med pa dang 'dud ba med pa de ni shes pa las nges par byung ba yin gyis/ nga rgyal las nges par byung ba ni ma yin no//
32b2 khengs pa med pa dang / 'dud pa med pa de ni chos dang ldan pa yin gyi/ gti mug dang ldan pa ma yin no// chos thams cad shes pa las nges par byung bas ye shes sngon du 'gro ba'i lus kyi las dang
32b3 ldan pa yin/ ye shes sngon du 'gro ba'i ngag gi las dang ldan pa yin/ ye shes sngon du 'gro ba'i yid kyi las dang ldan pa yin te/ de lus sam/ ngag gam yid kyi las gang byed kyang / de thams
32b4 cad ye shes sngon du 'gro zhing / ye shes kyi rjes su 'drang ngo // de la byang chub sems dpa' lus kyi las ye shes sngon du 'gro ba gang zhe na/ gang gzugs kyi las kun tu bstan pas
32b5 sems can rnams yongs su smin par byed/ 'dul bar byed do// spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub cing yongs su ma brtags pa
32b6 med par kun tu gnas so/ / lus kyi skyon dang / lus la chags pa dang / lus kyi tshul 'chos pa dang / lus kyi 'khrugs pa dang / lus kyi yongs su rtog pa gang yin pa de dag byang chub sems
32b7 dpa' des yang dag par bcom pa yin te/ shing ta la'i mgo bcad pa bzhin du rtsa ba nas chad nas ma 'ongs pa na mi skye ba'i chos can du 'gyur ro// de lus yongs su dag pa yin te/ lus mtshan gyis
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo