| e-texts navigator |
| བོད་ཡིག |
27a1 byams ldan sems kyang dul/ / thab rab tu zhe sdang por 'di sbyin pa dag/ byams pa'i yid du gyur pa 'di ni tshul khrims dag/ bzod pa'i stobs bskyed 'di ni bzod pa
27a2 dag pa yin/ / sangs rgyas ye shes 'dod nas brtson 'grus phyir zhing skyed// sems dang yid rab zhi pa 'di ni bsam gtan dag/ sgra skad mi rnyed 'di ni shes rab dag pa yin// mi yi chog thos nas
27a3 ni gang chos 'di sems pa/ de 'dir gnod bzod dag gi skyon la chags pa med// bdud dang mu stegs can gyi lta gyur brgya stong gis// gnas 'di sems can rnyed dkas sbyor ba 'ong brjod kyang //
27a4 mi skrag zhum pa med cing phyi phyir mthu skyed de// mkhas pa de ni gnod dang sems gnod mtha' yas bzod// gang zhig bzod dang brtson 'grus rab gnas ri rab 'dra// sems can kun nang dpa' bo de
27a5 'dir gnod pa bzod/ / stobs bcu rnams kyi sbyang ba dang ni gnod shes nas// byang chub rjes su 'gro bas phyi nas lung ston to// blo gros rgya mtsho de la thams cad mkhyen par sems bskyed pa
27a6 rin po che de'i 'bigs pa gang zhe na/ blo gros rgya mtsho 'di la byang chub sems dpa' sems dpa' chen po/ thams cad mkhyen par sems bskyed pa rin po che des rlom sems su
27a7 mi byed de/ thams cad mkhyen pa'i sems de la rten par mi byed/ gnas par mi byed/ len par mi byed/ 'dor bar mi byed/ spros pa mi byed/ rtog par mi byed/ rnam par rtog par
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo