| e-texts navigator |
| བོད་ཡིག |
23a1 dag pha rol las thos nas/ pha rol tu phyin pa drug bsgom pa yongs su rdzogs par 'gyur ro// blo gros rgya mtsho ji ltar na thabs la mkhas pa'i byang chub sems dpa'
23a2 ngan du brjod pa dang / ngan du smras pa'i tshig gi lam dang / gshe ba dang / bsdigs pa dag pha rol las thos na/ pha rol tu phyin pa drug bsgom pa yongs su rdzogs par 'gyur zhe na/ bro
23a3 gros rgya mtsho 'di la byang chub sems dpa' sems dpa' chen po ngan du brjod pa dang / ngan du smra ba'i tshig gi lam dang / gshe ba dang / bsdigs pa dag pha rol las thos na/ dran pa 'di
23a4 lta bu rab tu thob ste/ sems can 'di ni sngon nas ser sna can du gyur pa 'jungs pa ste/ ser sna'i dri mas kun tu bskor ba des gang dag de'i gnod sems kyi dri ma spang ba'i phyir chos ston pa'i
23a5 dge ba'i bshes gnyen rnams la ma bsten gus par ma byas/ bsnyen bkur ma byas pa'o// bdag ni gtong ba la mos shing ser sna med par bya/ dge ba'i gshes gnyen la bsten par bya//
23a6 bsnyen par bya brnyen bkur bya'o snyam ste/ de ni ngag bsrung zhing gnod sems kyang spong ba 'di ni/ de'i sbyin pa'i pha rol tu phyin pa'o// gzhan yang de 'di snyam du sems te/ sems can
23a7 'di ni tshul khrims 'chal pa las ma mthong ba ste/ de ni bdag la gshe zhing bsdigs pa'o// bdag ni tshul khrims dang brtul zhugs yang dag par blangs pa las mi nyams par bya'o// gnod
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo