rKTs

e-texts navigator

Volume

Page

16a₁ pa dang bral ba dang / blo brtan pas snyoms las med pa dang / rab tu mi g.yo bas sems ri dang mtshungs pa dang / rjes su 'chags pa dang khong khro ba dang bral bas sems sa
16a₂ dang mtshungs pa dang / bsam pa dag pas sems chu dang mtshungs pa dang / rlom sems med pas sems me dang mtshungs pa dang / gnas med pas sems rlung dang mtshungs pa dang / shin tu dri ma
16a₃ med pas sems nam mkha' dang mtshungs pa dang / sangs rgyas kyi tshul khrims 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang /
16a₄ sems dben pa'i phyir chos la spyod pa dang / de byed cing yang dag par sgrub pa'i phyir tshig bden pa dang / kha 'og tu lus 'khrus par byed pa'i phyir ji skad smras pa de bzhin byed pa dang / nyon mongs
16a₅ pas mi brdzi ba'i phyir sems dpa' ba dang / shin tu nyams pa med pa'i phyir bslab pa yang dag par 'dzin pa dang / kha na ma tho ba phra rab la yang 'jigs par lta ba'i phyir/ tshul khrims lhod pa
16a₆ med pa dang / skye bar smon pa med pa'i phyir tshul khrims skyon med pa dang / gcig tu dkar po spyod pa'i phyir tshul khrims thun tshags ma yin pa dang / byang chub kyi yan lag sbyang ba'i phyir/ dge ba'i
16a₇ bshes gnyen la bsten pa dang / mig yongs su dag pa'i phyir 'od gzer thogs pa med pa dang / rna ba yongs su dag pa'i phyir sgra la thogs pa med pa dang / sna yongs su dag pa'i phyir dri la thogs

_{iiif viewer powered by OpenSeadragon}

15b - 16b

Texts on this page