rKTs

e-texts navigator

Volume

Page

159a₁ 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das chos kyi rnam grangs 'di yongs su bzung ba dang / yun ring du
159a₂ gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su bzhag par bgyi/ sngags kyi grub pa yang nye bar bsgrub par bgyi'o// bcom ldan 'das bdag gis chos
159a₃ kyi rnam grangs 'di sum cu rtsa gsum gyi lha rnams la rgya cher yang dag par rab tu bshad par bgyi'o/ / de ci'i slad du zhe na/ bcom ldan 'das 'das pa dang / ma byon pa dang / da ltar byung ba'i sangs
159a₄ rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ / bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan
159a₅ 'das rnams kyi chos la gus par bgyis te/ chos kyi rnams grangs 'di rgya cher yang dag par rab tu bstan par bgyi'o// de nas bcom ldan 'das kyis lha'i dbang po brgya byin la legs
159a₆ so zhes bya ba byin te/ ko'u shi ka khyod kyis dam pa'i chos yongs su bzung ba'i phyir/ seng ge'i sgra bsgrags pa legs so legs so// de lta bu ni khyod kyi bya ba'o// lha'i dbang po brgya byin khyod kyis
159a₇ chos kyi rnam grangs 'di bsams na/ lha rnams ni rgyal zhing / lha ma yin rnams ni pham par 'gyur bar shes par bya'o// blo gros rgya mtsho gzhan yang bdud dang bdud kyi ris kyi lha rnams tshar gcad

_{iiif viewer powered by OpenSeadragon}

158b - 159b

Texts on this page