rKTs

e-texts navigator

Volume

Page

158a₁ bI ba Te/ mad+hu ma ti/ ma ri dzi ti/ bi shud d+he/ bi shud d+ha pa ti/ mi so le/ ma nor ha re/ blo gros rgya mtsho 'di dag ni/ dgug pa'i tshig rnams yin te
158a₂ tshig de dag gis rgyal po chen po bzhi bkug nas/ chos kyi rnam grangs 'di kun tu bsrung ba dang / chos smra ba de yang yongs su bzung ba'i phyir nan tan byed par 'gyur ro// sngags kyi tshig 'di
158a₃ rnams chos smra ba des legs par kha ton tu byas te/ phyogs bzhir byams pas khyab par byas la/ rgyal po chen po bzhi bsams na sngags kyi chog 'di dag gis/ rgyal po chen po bzhi bkug
158a₄ nas 'ong bar 'gyur ro/ / de nas rgyal po chen po bzhi 'khor de nyid du 'dus par gyur te/ 'dug pa de dag stan las langs te/ bcom ldan 'das ga la ba de logs su thal mo sbyar ba
158a₅ btud nas/ bcom ldan 'das la 'di skad ces gsol to// bcom ldan 'das rgyal po chen po bzhi po bdag cag lhan cig tu 'thun par gang na yang dag pa dang ldan pa'i rgyud kyi chos kyi rnam grangs
158a₆ 'di 'chad par 'gyur ba der/ chos kyi rnam grangs 'di yang kun tu bsrung ba dang / chos smra ba de yang yongs su gzung ba dang / ci nas gang gis kyang ma bsgribs pa 'am/ gnod pa bgyid par mi
158a₇ 'gyur bar bgyi ba'i slad du mchi bar bgyi'o/ / blo gros rgya mtsho gzhan yang lha'i dbang po brgya byin dgugs pa'i tshig brjod par bya ste/ tshig de dag gis lha'i dbang po brgya byin dgug par 'gyur ro//

_{iiif viewer powered by OpenSeadragon}

157b - 158b

Texts on this page