| e-texts navigator |
| བོད་ཡིག |
155a1 'dus pa'i byang chub sems dpa' de dag blta bar bgyi'o/ / de nas bcom ldan 'das de bzhin gshegs pa bdud rab tu 'joms pas mdzod spu nas/ gzugs
155a2 thams cad ston pa zhes bya ba'i 'od zer byung ste/ 'od zer phyung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te/ 'jig rten gyi khams mi mjed 'di snang ba chen
155a3 pos khyab par gyur to/ / der byang chub sems dpa' de dag gis bcom ldan 'das de bzhin gshegs pa shAkya thub pa rin po che bkod pa'i 'khor gyi khyams na bskal pa brgyar yang bsngags pa'i mthar mi phyin/
155a4 pa'i seng ge'i khri chen po la bzhugs te phyogs bcu'i 'jig rten gyi khams nas 'dus pa'i byang chub sems dpa' rnams la/ 'dus pa chen po'i le'u chos kyi rnam grangs rgya cher yang dag par rab tu ston
155a5 pa dang / byang chub sems dpa' blo gros rgya mtsho yang mthong ngo // 'jig rten gyi khams mi mjed chus yongs su gang ba'i rgya mtsho gcig lta bur gnas pa 'di yang mthong ngo // de na sgrib pa ci yang
155a6 med par mthong ngo / / phyogs bcu'i 'jig rten gyi khams nas 'dus pa'i byang chub sems dpa'i rgyang grags kyi tshad tsam gyi rin po che'i pad+ma dag la 'khod cing chos nyan pa de dag kyang mthong ngo // mthong
155a7 nas kyang tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das de bzhin gshegs pa shAkya thub pa ga la ba der logs su me tog gtor to// gtor ma
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo