| e-texts navigator |
| བོད་ཡིག |
152b1 par rab tu ston te/ de na theg pa gzhan gyi ming yang med de/ btsun pa shA ri'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phangs na phyis bdud kyi las byed par mi
152b2 'gyur gyi/ bdud las brtul ba'i byang chub sems dpa' de dag dang lhan cig tu byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro//
152b3 de nas bdud sdig can sngangs skrag 'jigs te/ spu zing zhes byed nas 'khor de nas 'gro bar 'dod na/ 'gro ma nus te/ mi snang bar ma gyur nas/ de de bas kyang cher sngangs shing skrag ste/ bcom ldan
152b4 'das kyi zhabs gnyis la gtugs nas 'di skad ces gsol to/ / byang chub sems dpa' blo gros rgya mtshos 'jig rten gyi khams der 'phang bar mi 'gyur bas/ bcom ldan 'das bdag la skyab tu
152b5 gsol/ bde bar gshegs la bdag la bskyab tu gsol/ bcom ldan 'das kyis bka' stsal pa/ sdig can ma 'jigs shig/ skyes bu dam pa 'di lta bu dag ni/ sems can la rnam par 'tshe
152b6 ba'i phyir gnas pa ma yin no/ / sdig can khyod byang chub sems dpa' blo gros rgya mtsho 'di la bzod pa gsol cig dang / 'di nyid khyod la skyob par 'gyur ro// de nas bdud sdig can gyis
152b7 thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so// skyes bu dam pa khyod bdag la bzod pa mdzad du gsol// bdag bde ba thams cad kyis brgyan
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo