| e-texts navigator |
| བོད་ཡིག |
146a1 pa'i rgyud des/ gang dag chos bstan par bgyi ba ma lags pa/ snod du ma gyur pa de dag la chos ston pa dang / gang dag bstan par bgyi ba de dag la mi ston pa 'di ni/ bcom ldan
146a2 'das byang chub sems dpa'i chos bstan pa dang rab tu mi ldan pa'i bdud kyi lcags kyu ste brgyad pa'o/ / bcom ldan 'das gzhan yang byang chub sems dpa' 'jig rten rgyang 'phen pa yongs su tshol te/ de gzhan
146a3 dag la zab mo'i bka' mchid kyi rgyun bkum nas/ 'jig rten rgyang 'phen pa'i bka' mchid sna tshogs ston te/ 'jig rten rgyang 'phen pa'i bka' mchid ston pas/ 'jig rten dga' zhing mngon par dga' ba'i
146a4 tshig dang / lan gyi tshig la mkhas pas/ sems can rnams dga' bar 'gyur te/ de la legs so legs so zhes bgyi ba yang gsol bar 'gyur la/ des kyang byang chub sems dpa' yi rangs par 'gyur
146a5 ba dang / lha'i bu gang dag sngon sangs rgyas mthong ba/ chos zab mo la mos pa/ chos mnyan pa'i phyir der 'dus par gyur pa de dag sdug bsngal zhing yid mi bde ste/ yi ma rangs nas gang 'jig rten gyi dga'
146a6 pas mngon par dga' ba'i sems can de dag la zab mo'i gtam gyi rgyun bcad de/ 'jig rten rgyang 'phen pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos
146a7 yongs su 'dzin pa ma yin no/ / de ci'i phyir zhe na/ don zab mo'i phyir sangs rgyas bcom ldan 'das rnams 'byung gi/ 'jig rten rgyang 'phen pa'i gtam sna tshogs kyi phyir ma yin no zhes mchi zhing
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo