| e-texts navigator |
| བོད་ཡིག |
138a1 pa thams cad yongs su gtong bar snang ba 'di ni de'i de bzhin byed pa'o/ / de ltar na ji skad smras pa de bzhin byed pa yin no// byang chub sems dpa' tshul khrims smra ba ni
138a2 ji skad smra ba ste/ gang gi tshe tshul khrims dang bslab pa dang sbyangs pa'i yon tan thams cad yang dag par 'dzin cing spyod par kun tu snang ba 'di ni de'i de bzhin byed pa'o// byang chub sems
138a3 dpa' bzod pa smra ba ni ji skad smra ba ste/ gang gi tshe gnod sems dang tha ba dang / zhe sdang spong bar snang ba 'di ni de'i de bzhin byed pa'o// byang chub sems dpa' brtson 'grus smra ba ni ji skad smra
138a4 ba ste/ gang gi tshe dge ba'i chos thams cad yongs su tshol ba la brtson par snang ba 'di ni de'i de bzhin byed pa'o// byang chub sems dpa' bsam gtan smra ba ni ji skad smra ba ste/ gang gi tshe bsam gtan
138a5 dang rnam par thar pa dang / ting nge 'dzin dang snyoms par 'jug pa rnams la snang ba 'di ni de'i de bzhin byed pa'o// byang chub sems dpa' shes rab smra ba ni ji skad smra ba ste/ gang gi tshe tshig rab tu
138a6 dbye ba'i spobs pa rnam par nges pa'i ye shes la mkhas par snang ba 'di ni de'i de bzhin byed pa'o/ / de bzhin du mi dge ba'i chos thams cad kyi bar dag spang bar smra ba dang / dge ba'i chos thams cad
138a7 yongs su rdzogs par bya ba smra ba ni/ byang chub sems dpa' ji skad smra ba'o// gang gi tshe mi dge ba'i chos thams cad spong ba dang / dge ba'i chos thams cad yongs su tshol ba la brtson par snang ba 'di na
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo