| e-texts navigator |
| བོད་ཡིག |
132b1 gshegs pa 'od gzer snang ba mtha' yas des bzhi pa bsgrub pa bstan pa 'di bshad pa na/ srog chags bye ba khrag khrig phrag bcus bla na med pa yang dag par rdzogs pa'i byang chub tu sems bskyed do//
132b2 dge slong bye ba phrag brgyad len pa med par zag pa rnams las sems rnam par grol lo// rgyal po gzhon nu de dag dang / rgyal po'i bu mo rnams dang / rgyal po'i btsun mo'i 'khor ni chung ngu'i rjes
132b3 su 'thun pa'i chos la bzod pa skyes so/ / rgyal po yul shin tu rnam par dag pa ni rno ba'i rjes su 'thun pa'i chos la bzod pa skyes so// de nas rgyal po yul shin tu rnam par dag pa tshom zhing mgu
132b4 kha yi rangs shing rab tu dga' ste/ dga' ba dang / yid bde ba skyes nas rgyal srid thams cad bcom ldan 'das de la yongs su spyad pa'i phyir phul lo// // bam
132b5 po dgu pa/ blo gros rgya mtsho de nas bcom ldan 'das de bzhin gshegs pa 'od gzer snang ba mtha' yas des rgyal po yul shin tu rnam par dag pa la 'di skad ces bka' stsal to//
132b6 rgyal po chen po khyod kyis yongs su spyad pa'i phyir/ rgyal srid thams cad de bzhin gshegs pa la phul zin na/ rgyal po chen po khyod dad pas legs par gsung pa'i chos 'dul ba la khyim nas khyim
132b7 med par rab tu byung shig/ de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba/ phan yon che ba/ rgya che ba'o// rgyal po chen po rab tu byung
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo