| e-texts navigator |
| བོད་ཡིག |
128b1 zhes bya ba ni/ bcom ldan 'das de'i sku skye ba'i sar gyur to// bcom ldan 'das de de nas mngon par byung nas/ bcom ldan 'das de grong khyer chen po dga' ba 'byung ba zhes bya bar gnas te bzhugs
128b2 so/ / blo gros rgya mtsho de'i tshe de'i dus na/ grong khyer chen po dga' ba 'byung ba der 'khor los sgyur ba'i rgyal po yul shin tu rnam par dag pa zhes bya ba/ stong gsum gyi stong
128b3 chen po'i 'jig rten gyi khams kyi dbang phyug rin po che sna bdun dang ldan pa zhig byung ngo / / de'i rin po che sna bdun ni 'di lta ste/ 'di ltar 'khor lo rin po che dang / glang po rin po che dang / rta rin/
128b4 po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no// rgyal po yul shin tu rnam par dag pa de yang bla na med pa yang dag par
128b5 rdzogs pa'i byang chub la yang dag par zhugs par gyur to/ / lhag pa'i bsam pa phun sum tshogs pa/ sems can thams cad la sems zhe 'gras pa med pa'o// rgyal po yul shin tu
128b6 rnam par dag pa de'i btsun mo'i 'khor gyi bud med ni bye ba phrag bzhi yod de/ gzugs bzang ba/ mdzes pa blta na sdug pa/ lha'i bu mo'i gzugs dang 'dra ba/ bla na med pa yang dag par
128b7 rdzogs pa'i byang chub la yang dag par zhugs pa sha stag go/ / de la bu stong yod de/ dpa' ba/ rtul phod pa/ yan lag bzang po mchog gi gzugs dang ldan pa/ pha rol gyi sde rab tu
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo