| e-texts navigator |
| བོད་ཡིག |
106b1 stobs mthu dang / / longs spyod dbang phyug thob cing brgya byin tshangs pa dang // 'khor los sgyur dang srong dang gang yang srid gsum na// lha dang mi yi bde skyid skyid pa thams cad 'job// theg pa
106b2 mchog la gnas nas sems zhum brgya lam med/ / gong ba med la 'phangs shing 'phangs pa rnams kyang gtong // byin nas zhum pa med cing mig dang mgo btang nas// dga' zhing byams pa'i sems
106b3 su 'gyur te byang chub 'gro/ / theg pa mchog la gnas nas de ni skyabs 'gyur te/ tshul khrims ldan zhing tshangs par spyod pas yongs su dag/ tshul khrims brtul zhugs dka' thub kyis ni nyi zla 'gog/
106b4 srid pa dang ni gzugs dang longs spyod 'dod mi 'gyur// mi snyan tshig rnams thos kyang mi khro 'khrug mi 'gyur// lus ni rnam par gtor kyang sems can rjes su srung // bdag lus rnyed sla chos kyi rgyal
106b5 srid rnyed dka' snyam/ / theg pa mchog la gnas nas bzod pa dag pa 'di 'dra'o// bskal pa brgya phrag mtha' yas ji snyed 'khor gyur pa/ de srid du yang ngan song rnams su 'khor byed cing // sems
106b6 can bsgral ba'i phyir ni brtson 'grus stobs bskyed de/ / theb pa mchog la gnas pa'i brtson 'grus mthu 'di 'dra// shin tu rab tu zhi mnyen des bsam gtan cho ga shes// 'gro ba rnams kyi don phyir
106b7 byams pa'i bsam gangan pa/ / bsam gtan bde ba de la nam yang mi chags te/ dran dang ldan pa 'dren pa rnams la lta bar 'dod// chos rnams thams cad rgyu las 'byung zhing stong par shes//
iiif viewer powered by OpenSeadragon
Texts on this page
S134 - 'phags pa blo gros rgya mtshos zhus pa zhes bya ba'i theg pa chen po'i mdo