rKTs

e-texts navigator

Volume

Page

102a₁ khyad par du mi 'gro ba'o// gzhan yang bzhi ste/ mdza' bo'i khyim dang / slong ba ster ba'i khyim yongs su 'dzin pa dang / rnyed pa dang bkur bsti yongs su btsal bar bya ba'i phyir/
102a₂ 'chal ba'i tshul khrims yongs su 'dzin pa dang / gnas yongs su 'dzin pa dang / tshul khrims dang ldan pa la zhe sdang bas yang ba'i bya bas bcings pa'o// gzhan yang bzhi ste/ bya ba mang ba dang / rnyed pa
102a₃ mang ba dang / smra ba mang ba dang / bshes pa mang ba'o// gzhan yang bzhi ste/ bdag la mngon par zhen pas bdag tu lta ba dang / sems can la mngon par zhen pas sems can du lta ba dang / bya ba
102a₄ ma yin pa la mngon par zhen pas chad par lta ba dang / srog de dang / lus de la mngon par zhen pas rtag par lta ba'o// gzhan yang bzhi ste/ rtsom pa rgyun gcod pa dang / rgyun chad pas yang dag
102a₅ par rab tu mi 'dzin pa dang / yang dag par rab tu ma bzung bas yongs su skyo ba dang / yongs su skyo bas ldog cing 'jig pa'o// gzhan yang bzhi ste/ sa nas sar 'phar ba la brnyas pa dang / bsam
102a₆ gtan las bzlog pa la mi mkhas pa dang / sems can la mi lta bar shes rab kyis rnam par dpyod pa dang / dmigs pa can du gyur la thabs la khas 'che ba'o// blo gros rgya mtsho gzhan yang theg pa
102a₇ chen po'i bar chad du 'gyur ba'i chos bzhi ste/ bzhi gang zhe na/ chos kyi slob pa kun nas langs pas dman pa dang / las kyi sgrib pa kun nas langs pas dge ba'i rtsa ba rnams la mi brtson pa dang /

_{iiif viewer powered by OpenSeadragon}

101b - 102b

Texts on this page