| e-texts navigator |
| བོད་ཡིག |
156b1 nyug pa mdzad de/ sangs rgyas bcom ldan 'das de dag gis byang chub sems dpa' chos kyi blo gros la reg ma thag tu de nas ting nge 'dzin de las langs nas/ byang chub sems dpa'
156b2 de dag la smras pa/ kye rgyal ba'i sras dag/ byang chub sems dpa' rnams kyi rigs 'di ni 'di lta ste/ chos kyi dbyings kyis klas pa dang / nam mkha'i khams kyi mthas gtugs pas rgya che ba'o//
156b3 kye rgyal ba'i sras dag/ 'di ltar byang chub sems dpa' sems dpa' chen po rnams ni 'das pa'i sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan
156b4 'das rnams kyi rigs su skye ba yin/ da ltar byung ba'i sangs rgyas bcom ldan 'das rnams kyi rigs su skye ba ma yin no// de nas byang chub sems dpa' de dag gis/ byang chub sems
156b5 dpa' chos kyi blo gros la 'di skad ces smras so/ / kye rgyal ba'i sras/ gang dag 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rigs su skye ba'i byang chub sems
156b6 dpa' sems dpa' chen po de dag ni gang yin/ gang las bsams te de skad smras/ kye rgyal ba'i sras byang chub sems dpa' rnams kyi byang chub sems dpa' rnam par gzhag pa bcu po de dag gang yin
156b7 pa de shod cig/ de skad ces smras pa dang / byang chub sems dpa' chos kyi blo gros kyis/ byang chub sems dpa' de dag la 'di skad ces smras so// kye rgyal ba'i sras dag/ byang chub sems
iiif viewer powered by OpenSeadragon
Texts on this page
S127 - 'phags pa dkon mchog ta la la'i gzungs zhes bya ba theg pa chen po'i mdo