| e-texts navigator |
| བོད་ཡིག |
155a1 'di lta ste dper na/ ba glang glang po che shin tu mi bzad pa chen po de yang / mi stobs dang ldan pas lcags kyu chung ngus dul bar byed do// rigs kyi bu de bzhin du khyod ni
155a2 stobs dang ldan pa/ kho bo ni nyam chung ba ste/ glang po che chen po 'di lta bu dang kho bo 'gyeng ga la nus de nas bcom ldan 'das la gnas brtan shA ra dwa ti'i bus 'di skad ces gsol to//
155a3 bcom ldan 'das 'di lta ste dper na/ mi dmus long gis ni shul du mchis pa'am/ grong khyer mthong bar yang rngo mi thog na/ khyim nas khyim du mchi ba'i rdo lta ga la thog ste de ni gnas ma yin no//
155a4 de bzhin du glang po che chen po 'di lta bu 'di dag gi mdun na bdag ni dmus long dang mtshungs par mthong ste/ sangs rgyas kyi chos 'di dag ni de tsam du rgya che ba lags so// bdag ni sangs rgyas kyi
155a5 chos rnams kyi snod du ma gyur te/ de ci bgyir yang ma mchis so// bcom ldan 'das kyis bka' stsal pa/ shA ra dwa ti'i bu de skad ma zer cig/ shA ra dwa ti'i bu 'di lta ste dper na/ de bzhin
155a6 gshegs pa'i 'od kyis sems can ji snyed cig la reg pa de dag thams cad sangs rgyas kyi chos rnams thob pa yin no/ / shA ra dwa ti'i bu de bzhin du khyod ni ting nge 'dzin mtha' yas shing bsam gyis
155a7 mi khyab pa thob pa yin no/ / bcom ldan 'das kyis chos kyi rnam grangs 'di bshad pa na/ lha dang mi'i skye dgu las sems can dgu khri nyis stong gis chos mngon par rtogs par gyur to//
iiif viewer powered by OpenSeadragon
Texts on this page
S127 - 'phags pa dkon mchog ta la la'i gzungs zhes bya ba theg pa chen po'i mdo