| e-texts navigator |
| བོད་ཡིག |
153b1 chos thams cad kyi rgyu mthun pa yin no/ / 'di ni chos kyi char chen po yin no// de nas shing sA la chen po lta bu'i bram ze mnyam pa nyid du gnas pas/ bcom ldan 'das la 'di skad ces
153b2 gsol to/ / bcom ldan 'das byang chub ni mnyam pa nyid bsam gyi mi khyab pa lags te/ de la yi ge mi dmigs/ tshig 'bru mi dmigs so// bcom ldan 'das kyis bka' stsal pa/ rigs
153b3 kyi bu de de bzhin te/ chos kyi dbyings la tshig 'bru mi snang don kyang mi snang ngo // de nas bcom ldan 'das la 'jam dpal gzhon nur gyur pas 'di skad ces gsol to// bcom ldan
153b4 'das stong pa nyid kyi rgyu mthun pa gang lags/ rnam pa gang lags/ rtags gang lags/ mtshan ma gang lags bcom ldan 'das kyis bka' stsal pa/ 'jam dpal stong
153b5 pa nyid ni brjod du med pa/ bsnyad du med pa ste/ brjod du med pa'i chos nyid 'di la mos pa gang yin pa de stong pa nyid ces bya'o// stong pa nyid de ni yi ge med pa ste/ de'i phyir stong pa nyid ces bya'o//
153b6 stong pa nyid de ni bsnyad du med pa ste/ de'i phyir stong pa nyid ces bya'o// rigs kyi bu chos thams cad ni chos kyi ngo bo nyid kyis stong ngo // de nas bcom ldan 'das la tshe dang ldan pa shA ra dwa ti'i
153b7 bus 'di skad ces gsol to/ / bcom ldan 'das byang chub sems dpa' bsam gyis mi khyab pa'i chos la gnas pa rnams kyi rnam par 'phrul pa la gzigs/ bcom ldan 'das kyis bka' stsal pa
iiif viewer powered by OpenSeadragon
Texts on this page
S127 - 'phags pa dkon mchog ta la la'i gzungs zhes bya ba theg pa chen po'i mdo