rKTs

e-texts navigator

Volume

Page

386b₁ lam de 'bab shig yod do/ / sems slu bar byed pa de 'ba' shig yod do snyam du sems so// dge slong dag de bzhin du/ 'phags pa nyan thos thos pa dang ldan pa yang / bdag gis lus kyis rnam
386b₂ par shes par bya ba 'das pa dang / ma 'ongs pa dang / da ltar byung ba'i reg bya gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam
386b₃ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji ltar ba bzhin nyid dam/ ma nor ba nyid dam/ phyin
386b₄ ci ma log pa nyid med de/ gsog kyang de nyid yin la/ gsob kyang de nyid yin/ snying po med pa la yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang
386b₅ de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas/ de las ni mngon par dga' bar bya ba 'am/ mngon par brjod par bya ba 'am/ lhag par
386b₆ chags par bya ba 'am/ lhag par chags shing gnas par bya ba mi rigs kyi/ bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog
386b₇ par byed do/ / des de ltar shes nas/ lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya rnams nad du yang dag par rjes su mthong zhing / 'bras dang /

_{iiif viewer powered by OpenSeadragon}

386a - 387a

Texts on this page