| e-texts navigator |
| བོད་ཡིག |
335b1 de nas bcom ldan 'das kyis byang chub sems dpa' dam pa'i chos yongs su 'dzin pa de dag la legs so zhes bya ba byin te/ skyes bu dam pa dag 'di ltar khyed cag sems can thams cad la
335b2 phan pa dang / bde ba'i phyir dam pa'i chos yongs su gzung bar spro ba ni legs so legs so// 'di ni khyed dang 'tsham mo// dam pa'i chos yongs su 'dzin pa ni/ byang chub sems dpa' rnams
335b3 kyi yang dag phul gyi chos so/ / byang chub sems dpas rtag tu dam pa'i chos yongs su bzung ba la brtson par bya'o// rigs kyi bu dag chos yang dag par brjod pa dang rab tu ldan pa'i chos kyi
335b4 rnam grangs 'di bzung ba dang / klogs pa dang / kun chub par byas pa'i byang chub sems dpa' sems dpa' chen po ni/ skye ba med pa dang / 'gag pa med pa'i sku ni chos kyi sku'o// chos kyi sku ni sangs rgyas
335b5 kyi sku'o zhes sangs rgyas la snang ba chen po thob par 'gyur ro/ / chos thams cad ni ma byas pa 'dus ma byas pa'o zhes chos la snang ba chen po thob par 'gyur ro// nga'i ba med pa dang yongs su
335b6 'dzin pa med pa ni/ bcom ldan 'das kyi slob ma'i dge 'dun no zhes/ dge 'dun la snang ba chen po thob par 'gyur ro// snying rje chen po ni byang chub sems dpa'i bslab pa'i rtsa ba'o zhes
335b7 byang chub sems dpa' bslab pa rnams la snang la snang ba thob par 'gyur ro/ / nges pa'i tshig thams cad ni skye ba med pa'i ngo bo nyid do zhes spobs pa'i snang ba thob par 'gyur ro// rigs kyi bu
iiif viewer powered by OpenSeadragon
Texts on this page
S113 - 'phags pa chos yang dag par sdud pa zhes bya ba theg pa chen po'i mdo