| e-texts navigator |
| བོད་ཡིག |
333a1 lags/ gang du yang bskur ba ma lags so// bcom ldan 'das chos thams cad la ye shes rnam par dag pa ni byang chub ste/ bcom ldan 'das de ltar bzod pa'i rjes su
333a2 zhugs pa ni byang chub kyi spyod pa'o/ / gang 'di ltar shes pa de ni thams cad mkhyen pa'o// bcom ldan 'das gang dag mnyam pa nyid 'di la zhugs pa de dang de dag ni/ bcom ldan 'das sbyin
333a3 pa phun sum tshogs pa lags so/ / gang dag chos mnyam pa nyid 'di la bsten pa de dang de dag ni/ tshul khrims phun sum tshogs pa lags so// gang dag chos mnyam pa nyid la bzod pa de dang de
333a4 dag ni bzod pa phun sum tshogs pa lags so/ / gang dag chos kyi rnams grangs 'di la thos pa dang / sems pa dang / sgom pa la brtson pa de dang de dag ni/ brtson 'grus phun
333a5 sum tshogs pa lags so/ / gang dag chos mnyam pa 'di la nges par rtog pa de dang de dag ni/ bsam gtan pa lags so// gang dag chos mnyam pa nyid 'di rnam par spyod pa de dang de dag
333a6 ni/ shes rab dang ldan pa lags so// bcom ldan 'das chos kyi rnam grangs 'di la gang dad pa rnyed pa de dag gis de bzhin gshegs pa mthong ngo // de dag gis chos mngon sum du bgyis so//
333a7 bcom ldan 'das de dag gis bdud btul lo// bcom ldan 'das gang dag chos kyi rnam grangs 'di rab tu ston pa de dag/ de bzhin gshegs pa'i chos kyi 'khor lo rab tu bskor ba lags so//
iiif viewer powered by OpenSeadragon
Texts on this page
S113 - 'phags pa chos yang dag par sdud pa zhes bya ba theg pa chen po'i mdo