rKTs

e-texts navigator

Volume

Page

192b₁ na gnas par yang bya ba ni/ chu bo bzhis khyer ba'i sems can sgrol ba'i phyir te de ni tshul lo// rigs kyi bu dag de lta bas na tshad yod pa la yang so sor rtog par gyis shig/ tshad med pa la yang
192b₂ mnyam pa nyid du khong du chud par gyis shig/ gsol pa/ bcom ldan 'das ji ltar na/ byang chub sems dpa' rnams tshad mchis pa la yang so sor rtog par lags/ ji ltar na tshad ma
192b₃ mchis pa yang mnyam pa nyid khong du chud par bgyid pa lags/ bcom ldan 'das kyis bka' stsal pa/ rigs kyi bu dag tshad yod pa zhes bya ba ni 'dus byas so// tshad med pa zhes bya ba ni
192b₄ 'dus ma byas ste/ de la byang chub sems dpas 'dus byas kyang spang bar mi bya ste/ 'dus byas su rtog pa'i nyon mongs pa rnams dang yang 'grogs par mi bya'o// 'dus ma byas la yang
192b₅ rtag par bya ste/ skyon med par yang 'jug par mi bya'o// 'dus byas dang / 'dus ma byas gcig pa'i mtshan nyid dang ldan pa'i shes rab kyis byang chub kyi snying por mnyam pa nyid du
192b₆ mngon par rdzogs par sangs rgyas par bya ste de ni tshul lo/ / tshul gyi tshig 'di dag bstan pa'i tshe/ lha'i bu brgyad stong ni byang chub tu sems bskyed par gyur to// byang chub sems dpa' lnga
192b₇ brgya ni mi skye ba'i chos la bzod pa thob par gyur to/ / bcom ldan 'das kyis de skad ces bka' stsal nas/ byang chub sems dpa' sems dpa' chen po rab tu mang po de dag dang / lha dang

_{iiif viewer powered by OpenSeadragon}

192a - 193a

Texts on this page