rKTs

e-texts navigator

Volume

Page

424a₁ srog chags kyi rigs rkang pa med pa dang / rkang gnyis pa dang / rkang bzhi pa dang / rkang pa mang po dug can rnams las bsrungs par re bar bya'o// de la ni'i rgyal po 'khrugs pa'i
424a₂ 'jigs pa med par re bar bya ste/ 'jam dpal gang sems la the tsom med pa dang / nem nur med par chos kyi rnam grangs 'di 'dzin par byed/ 'chang bar byed/ klog par byed/ kun chub par byed/ gzha
424a₃ la'ang rgyas par yang dag par ston pa'i chos smra ba de la/ yon tan bsngags pa nyi shu po 'di rnams yod par re bar bya'o// de nas bcom ldan 'das la/ 'jam dpal gzhon nur gyur pas 'di skad ces
424a₄ gsol to/ / bcom ldan 'das 'di lta ste/ dper na sman gyi shing thams cad ni/ sems can rnams kyi nad thams cad zhi bar bgyid do// de bzhin du chos kyi rnam grangs 'di'ang nad thams cad rab tu
424a₅ zhi bar blta bar bgyi'o/ / bcom ldan 'das kyis bka' stsal pa/ de de bzhin no// 'jam dpal de de bzhin te/ khyod kyis tshig 'di legs par smras so// chos kyi rnam grangs 'di nad thams
424a₆ cad rab tu zhi bar byed pa'o/ / de ci'i phyir zhe na/ 'jam dpal sngon 'das pa'i dus bskal pa grangs med cing shin tu grangs med pa de'i tshe de'i dus na/ gang de bzhin gshegs pa dgra bcom pa
424a₇ yang dag par rdzogs pa'i sangs rgyas seng ge'i stabs su 'gro ba zhes bya ba zhig 'jig rten du byung bar gyur te/ des srog chags stong phrag du ma rnams la rgyang ring po nas chos kyi rnam grangs 'di bshad//

_{iiif viewer powered by OpenSeadragon}

423b - 424b

Texts on this page