rKTs

e-texts navigator

Volume

Page

423b₁ lhas bsrungs par 'gyur/ klus bsrungs par 'gyur/ gnod sbyin gyis bsrungs par 'gyur/ sems g.yengs par mi 'gyur/ tshe brjes nas kyang tshe rabs dran par 'gyur/ mngon par shes pa lnga thob
423b₂ par 'gyur/ tshe brjes ma thag tu byang chub sems dpa' byams pa mthong bar 'gyur/ de ste chos kyi rnam grangs 'di sems mi g.yeng bar yid la byed cing / gnyid kyi sgom pa sel na/ de'i rmi lam
423b₃ du sangs rgyas mthong bar 'gyur te/ byang chub sems dpa' byams pa mthong ba'ang re bar bya'o// de chos kyi rnam grangs 'di la mos na/ rjes su mthun pa'i chos rnams la bzod pa re bar bya'o// chos
423b₄ kyi rnam grangs 'di sems na/ tshe 'di nyid la gnod sems med par re bar bya'o// dug myur ba'i nang na 'dug na'ang chos kyi rnam grangs 'di yid la byed na/ 'jigs pa med par re bar bya'o// slar
423b₅ rgol ba tshar gcad par re bar bya'o/ / kun tu snang ba'i ting nge 'dzin kyang thob par re bar bya'o// chos kyi rnam grangs 'di rtogs par byed pa'i tshe/ las kyi sgrib pa thams cad byang bar re bar bya'o//
423b₆ chos kyi rnam grangs 'di 'chad pa na yang chos kyi sgo brgya stong du ma thob par yang re bar bya'o// byang chub kyi sems mi brjed pa dang / mtha' yas 'khyil ba'i gzungs thob par yang re bar bya'o// chos
423b₇ kyi rnam grangs 'di yid la byed pa na yang bdud kyis bskor ba med par re bar bya'o/ / sangs rgyas mngon sum du bzhugs par yang skye bar re bar bya'o// smon lam thams cad grub par yang re bar bya'o//

_{iiif viewer powered by OpenSeadragon}

423a - 424a

Texts on this page