rKTs

e-texts navigator

Volume

Page

423a₁ ma bcings pa dang ma grol ba/ / de yi shes rab bla na med// gang zhig tshul khrims ldan par rtog/ tshul khrims mi ldan rnam rtog pa// gnyis ni tshul khrims ngan par ba#
423a₂ gnyis su med pa tshul khrims mchog/ chos rnams tha dad bya ba med// khyad par med cing mtshan med par// gang gis mthong zhing shes pa dag/ de dag nga yi bstan pa 'dzin// gang gi sems ni
423a₃ nam mkha' ltar/ / ma chags bzhin du phyogs su 'gro// de ltar ye shes chags med pa// de yi dge sbyong yang dag nyid// gang gis cung zad ma brtags shing // thams cad du yang sems pa med//
423a₄ sems can med cing chos med pa// de dag byang chub rnyed mi dka'// 'dod chags mtha' la gang mi gnas// 'dod chags dang yang bral ma gyur// 'dod chags las kyang rgyal mi byed// de ni byang chub
423a₅ mi dkon no/ / gang dag bskal par mi skyo zhing // mthas kyang 'jigs par mi 'gyur la// 'khor bas skrag par mi 'gyur ba// de ni byang chub rnyed mi dka'// de nas bcom ldan 'das kyis tshigs su
423a₆ bcad pa 'di dag gsungs nas/ 'jam dpal gzhon nur gyur pa la 'di skad ces bka' stsal to// 'jam dpal gang chos kyi rnam grangs 'di la mos par byed/ the tsom mi byed/ nem nur mi byed
423a₇ lung sbyin par byed/ 'dzin par byed/ klog par byed/ kun chub par byed/ gzhan la'ang rgya cher yang dag par ston pa de'i phan yon bsngags pa nyi shu yod par rig par bya'o// nyi shu gang zhe na/

_{iiif viewer powered by OpenSeadragon}

422b - 423b

Texts on this page